~~ يواسيني وأنا الميت وحالي يجبر الدمعات ~~
~~ تسيل من الذي فيني ويبكي من يواسيني ~~
~~ وأنا أبكي واتنهد وأرسم بالحزن لوحات ~~
~~ يجبروني عشان أمشي ورجلي ماتمشيني ~~
~~ قتلت رعايتي بيدي قتلت الحب والرحمات ~~
~~ حرمت النفس من حقها وأنا أبكيها وتبكيني ~~
~~ وكنه حلم قدامي يقيدني من الصرخات ~~
~~ أبي أصحى ولكن عجزت ألقى اللي يصحيني ~~
~~ فداك القلب يايمه ومهما قلت من كلمات ~~
~~ صغيره في كبر حقك بس أتمنى تعذريني ~~
~~ نهبت الفرح من بيتي صحيح إني خسيس الذات ~~
~~ صحيح إني ولد طايش وكل ماأسمعه فيني ~~
~~ تجول عيونهم فيني تفصل مني قياسات ~~
~~ وتشيح وجوههم عني وكني غيرت ديني ~~
~~ يظنوا حزنهم أكبر وإنهم أصحاب هالمأساة ~~
~~ وأنا أتحدى إذا فيهم ربع مايحترق فيني ~~
~~ نقص قدري بعد موتك وغابت نشوة اللذات ~~
~~ وصار الهم عكازي أباكيه ويباكيني ~~
~~ عطيتيني بدون حساب ولا سمعتك تقولي هات ~~
~~ وأنا أشرب حيل من دمك ودمك مايكفيني ~~
~~ يايمه ارجعي كافي .. أبجلس معك لو لحظات ~~
~~ أقبل ايدك ورجلك وأفرش لك رمش عيني ~~
~~ يايمه ماأتحملهم يقولوا فات ماقد مات ~~
~~ تعالي غيري هالقول وأطيعك باقي اسنيني ~~
~~ واترك عادة التدخين وأنفذ ماتبي بسكات ~~
~~ وأصلي الفجر بالمسجد قبل منت تصحيني ~~
~~ يايمه أرجعي تكفين وطفي شمعة الآهات ~~
~~ أبيك أنت ولا غيرك على موتك يعزيني ~~
~~ وضميني وداويني مثل ماكانت الهقوات ~~
~~ ماأبي أحد ٍ يواسيني أبيك أنت لتواسيني ~~
~~ دخيلك بس لاتبكي إذا شفتي بي الدمعات ~~
~~ أنا ماأقوى أبكيك إذا إنت تبكيني ~~
************************************
وسلاااااامتكم ..
قصيـــــــــدة بجد بجد حزيــــنة .. أتمنى انها تحوز على إعجابكم ..
تحياتي لكم ..
الإهداءات
يواسيني وأنا الميت ... وحالي يجبر الدمعات ..
العرض العادي
