يامـا نهيتـه باللطف و الملامـــه *** عــن مشــكلاتٍ مبتداهـــــا تسلــــي
حـاولت صده مـار مـا من سلامــه *** لا صــارت الجـــازي بدربـي تفلـي
قلبــي عصـانـي وإستلذ بكلامــــه *** والحكْـــم لــه بــالسيطره و متعلـــي
هي من بدا وأرخيت حبل الزعامه *** وأتلا التلايــــا مــن يمينـــي يســلي
أدعــانيَ الرعبوب مثل الهلامــه *** حبـــــه ملكنـــي و العقل مستحلـــي
مـن دون حربٍ صوبتني سهــامــه *** وسْلاحـــه الفتــاك رمشٍ و دلــــــي
القلب مـن حبــه غدا بــه علامـــه *** ما تمّحي لو صمت و أركع و أصلي
دكتور قلبــي هـو سبـايب سقــامــه *** بعــد الترجـــي هــاننــي بــالتغلـــي
كنــي رضيعٍ فـي مبـادي فطامــــه *** مــاتت غنــاتـــه و المدامع تهلـــــي
مــا عــاد ينفـع توبــة أو ندامـــه *** الجرح غــاير والأمــل مضمحلي
عيبٍ على الرجال يشكي غرامه *** عقب الشجــاعــه يستكين و يذلــــي
بينـي و بين البدر سودا غمامــه *** يا علّهـا تمطر و أشوفـــه و أهلي
الطب في وصلك بساعة كرامــه *** أبدي لك الـّي في ضميري و أولـــي
منك الكرم و الجود فيك الشهامــــه *** إرحــم و أعيش الّي بقـى مسفهلي
صرت الجمل يمناك فيها خطامه *** نحّرنــــي البيداء ولا أتعب و أملــي
الإهداءات
يامـا نهيتـه باللطف و الملامـــه
العرض العادي
