هلا أخوي موضوع مره حلو للنقاش ربي يعطيك العافيه...وأكيد هالموضوع شوي حساس والآراء بتختلف من شخص للشخص وآخر لكن يظل شعارنا الأختلاف في الرأي لا يفسد للود قضيه....
البنت الخفيفه والولد الخفيف بصف عامه بطرح وجهه نظري بدون مااتقيد بطرف واحد...أنا متى أقدر أطلق على الرجل خفيف ؟.؟ومتى أقدر أطلق على البنت خفيفه؟؟
وهل البنت لم تفصح عن مشاعرها تكون فعلا خفيفه؟؟والولد لمن يعبر عن مشاعره يكون خفيف بعد؟؟
رأيي لا في الحاله هذي مانقدر نحكم عليهم بالخفه ليش؟؟ لأنه مشاعر الشخص صعب جداا التحكم فيها يمكن البعض يقول لازم يحكم العقل العاطفه ....طيب العقل ممكن يحكم شوي لكن المشاعر تظل مكبوته في الداخل ويوم بتفجر وبتسبب شي لا يحمد عقباه....يعني لمن يجي شخص يعبر عن مشاعره وبكل صدق وعفه ماراح اقدر احكم عليه بأنه خفيف ابدا... يعني ليش نسلط الضوء على المشاعر...الاهتمام...فراغ العاطفه...يخلي الشخص يكون خفيف....في ناس كثير عايشين حياه ومرتاحين فيها ..بس مشاعرهم اقوى منهم....يعني اني ماأيد أن الشخص اذا وقع في العاطفه وعبر عنها... نقول عنه خفيف لانه هالشيء مو بيده بس لازم يعاني شوي لين مايوصل للي يبغاه يعني مو بسهوله... ولو كانت المشاعر تعني خفه...ماكان سمعنا بمجنون ليلى....ولاعنترة وعبله...
طيب متى أقول انه الشخص هذا خفيف؟؟....
في مجالات واجد في الحياه تكشف لينا اذا هالشخص خفيف أو لا....
مثلا في مجال الدراسه والاختلاط ...التعامل يبين اذا هي بنت خفيفه او ولد خفيف يجوك بنات عطيتهم وجه او ماعطيتهم مطيحين الميانه وياك...وعادي جداا تضحك وتسولف ويمكن تسوي شي اعظم وانت اول مره تتعامل وياها....
ويجوك أولاد بعد نفس اسلوب البنات....كل شيء عادي عنده وقاط وجهه بسبب وبدون سبب يعني مافي ثقل أبد....بالحاله بيكون خفيف واجد
وبمجال العمل بعد نفس الشي لمن تجي وتتكلم مع زميله في شغله معينه طريقه ردها يبين الشخص المحترم من الشخص الي الوضع عادي عنده...
وفي الاسواق....تشوف العجب...
طيب في فتره الخطوبه بنات واااجد أول أيامهم أني اسمع بأذني تقول لا بستحي واجد علشان لا يفكر اني خفيفه أو عندي سوابق....طيب اني اقول حلو الانسان مايعطي بسهوله ولايحصل على الشي الي يبغاه بسهول بس مو لدرجه أن يوصل الظن بالخفه...واشياء واجد كل يوم تحصل يبين اذا هي خفيفه أو لا....
ونظري البنت الخفيفه هي الي ماعندها باب يندخل منه..اتمنى فهمتو قصدي ..
....والرجل الخفيف هو الرجل الي حياته على بعضها ماعنده مبدىء ولا كلمه تخصه...يعني كلمه تجيبه وكلمه توديه....وحياته لعب في لعب
وليي عوده طبعا